UEFa hefur frestað Evrópumótinu sem átti að fara fram í sumar til ársins 2021. Spilað verður frá 11 júní til 11 júlí á næsta ári.
Ástæðan fyrir þessari frestun er kórónuveiran sem nú breiðist út um allan heim.
Allar stærstu deildir Evrópu eru í pásu vegna veirunnar og óljóst er hvenær hægt verður að ljúka þeim.
EM átti að fara fram út um alla Evrópu í sumar en nú er ljóst að mótinu verður frestað um ár, með þessu vonast UEFA til að hægt verði að klára allar keppnir sem nú eru í gangi.
Ísland á að leika í umspili um laust sæti á EM í næstu viku en eftir þessi tíðindi er ljóst að þeim leikjum verður frestað.
Euro 2020 postponed for a year by Uefa because of coronavirus crisis https://t.co/0PNXENheBU
— Guardian sport (@guardian_sport) March 17, 2020