433.is hefur fengið staðfest að tímabilið hjá Hólmberti Aroni Friðjónssyni sé líklega á enda, talið er að hann hafi slitið krossband gegn Molde í kvöld, þegar Álasund mætti Molde.
Tímabilið í Noregi er að fara af stað en Hólmbert og félagar eru loks mættir í norsku úrvalsdeildina.
Félög í stærri deildum hafa viljað kaupa framherjann stóra og stæðilega en Álasund hefur ekki viljað selja hann. Hólmbert ólst upp í HK áður en hann hélt ungur í atvinnumennsku.
Samningur Hólmberts við Álasund er á enda í lok árs og því koma meiðslin á versta tíma, ef þannig má að orði komast.
Hólmbert lék með KR og Stjörnunni áður en Álasund keypti hann en áður hafði hann leikið með Celtic og Bröndby.