Gary Neville, sérfræðingur Sky Sports vonar að Liverpool verði enskur meistari 14 mars eða 4 apríl. Ástæðan er að hann er ekki í vinnu þessa daga.
Neville er fyrrum fyrirliði Manchester United og er ekkert sérstaklega vel við að sjá Liverpool ná árangri. Lærisveinar Jurgen Klopp vinna deildina á næstu vikum.
,,Ég fékk planið mitt fyrir mars og apríl í morgun, ég óska þess að Manchester City tapi stigum gegn Burnley eða Southampton og rétti þar með Liverpool dolluna. Þá verða engar myndavélar nálægt mér,“ sagði Neville.
,,Báðir leikir eru á laugardegi klukkan 15:00 og ég get verið heima og slakað á, ég vil alls ekki vera á vellinum þegar Liverpool vinnur deildina.“
,,Ég veit að það hentar ekki Sky, ef City tapar stigum gegn Burnley eða Southampton þá væri það frábært.“
Liverpool er með 22 stiga forskot á toppi deildarinnar þegar 36 stig eru eftir í pottinum.
Enski boltinn á 433 er í boði 
