Ole Gunnar Solskjær, stjóri Manchester United, hrósaði sínum mönnum eftir leik við Watford í dag.
United vann sannfærandi 3-0 heimasigur á Old Trafford þar sem Bruno Fernandes var maður leiksins.
Fernandes skoraði bæði og lagði upp og fékk hrós frá stjóranum eftir leikinn. Hann líkti miðjumanninum við Juan Sebastian Veron og Paul Scholes.
,,Fernandes er svona blanda af Scholes og Veron. Hann er eins rólegur og Veron og er með gæði Scholes,“ sagði Solskjær.
,,Ég er mjög ánægður. Þessi vika hefur verið mjög góð í heildina. Augljóslega unnum við tvo deildarsigra og náðum í útivallarmark í jafntefli í Evrópu.“
,,Ég er mjög ánægður með alla eftir gott frí sem við fengum.“
Enski boltinn á 433 er í boði 
