Chris Smalling, leikmaður Roma, varð fyrir áfalli á föstudag er hann missti hundinn sinn, Miley.
Smalling er nafn sem flestir þekkja en hann hefur lengi verið á mála hjá Manchester United og enska landsliðinu.
Hann skrifaði undir lánssamning við Roma í sumar og hefur staðið sig með prýði á Ítalíu.
Talið er að rottueitur hafi endað líf hundsins sem Smalling og eiginkona hans Sam Cooke höfðu átt í mörg ár.
Hjónin eiga einnig hundana Ruben og Summer en þau veiktust einnig illa en lifðu þó eitrið af.
Miley var elst af þeim öllum en Cooke greindi frá dauða hennar á Instagram í gærkvöldi.
Samkvæmt enskum miðlum er talið að eitrinu hafi verið komið viljandi fyrir og að dauðsfallið hafi ekki verið slys.
Myndir af Miley má sjá hér fyrir neðan.
