Erik ten Hag, stjóri Ajax, hefur gagnrýnt Ryan Babel, leikmann liðsins, fyrir atvik sem kom upp í gær.

Babel ákvað að gera grín að Alan Nyom, leikmanni Getafe, er liðin áttust við í 32-liða úrslitum Evrópudeildarinnar.

Nyom féll til jarðar og leit út fyrir að vera þjáður eftir viðskipti við Babel og ákvað landsliðsmaðurinn að herma eftir honum og ásaka bakvörðinn um leikaraskap.

,,Þetta var ekki sniðugt. Ég bjóst ekki við þessu frá svona reynslumiklum leikmanni,“ sagði Ten Hag.

,,Þú þarft að halda ró þinni og nota hausinn. Þú þarft að einbeita þér að starfinu sem er að spila fótbolta.“