Timo Werner, stjarna RB Leipzig, viðurkennir að hann sé mikill aðdáandi enska úrvalsdeildarfélagsins Liverpool.

Werner er reglulega orðaður við enska stórliðið en hann hefur verið frábær í Þýskalandi.

Þjóðverjinn var spurður út í mögulegan áhuga Liverpool eftir 1-0 sigur á Tottenham í gær.

,,Liverpool er besta lið heims þessa stundina og auðvitað er maður stoltur að vera orðaður við það félag,“ sagði Werner.

,,Fyrir utan það þá fylgir þessu ánægja. Ég veit að Liverpool er með marga góða leikmenn og ég verð að bæta mig og læra mikið til að komast á þann stað.“

Enski boltinn á 433 er í boði