Spænska goðsögnin Iker Casillas er hættur í fótbolta en þetta hefur félag hans, Porto staðfest.
Casillas er 38 ára gamall en hann lék lengst á ferlinum með stórliði Real Madrid sem og spænska landsliðinu.
Markvörðurinn hefur ákveðið að kalla þetta gott og ætlar að bjóða sig fram sem forseta spænska knattspyrnusambandsins.
Casillas spilaði 167 landsleiki fyrir Spán á sínum ferli og vann bæði HM og svo EM í tvígang.
Hann ætlar að berjast við Luis Rubiales sem er núverandi forseti knattspyrnusambandsins.
