,,Pogba líður eins og heima hjá sér á Ítalíu,“ sagði Mino Raiola umboðsmaður Paul Pogba og staðfesti að leikmaðurinn vildi helst fara til Juventus í sumar.
Pogba hefur í rúmt ár viljað komast burt frá Manchester United, félagið hefur ekki viljað sleppa honum en gæti selt hann í sumar.
Pogba hefur nánast ekkert spilað á þessu tímabili vegna meiðsla og vill fara til Juventus, þaðan kom hann til United árið 2016 fyrir 89 milljónir punda.
,,Ítalía er eins og annað heimili hans, hann er eins og Zlatan. Pogba vill fara aftur til Juventus.“
,,Við getum ekki rætt það meira, við skoðum það eftir EM í sumar. Pogba vill komast aftur á völlinn, hann getur ekki flúið Manchester United. Félagið er ekki á góðum stað núna.“
Enski boltinn á 433 er í boði 
