Jordi Mestre, fyrrum varaforseti Barcelona, segir að félagið hafi reynt að fá bæði Alvaro Morata og Thibaut Courtois þegar hann starfaði hjá félaginu.
Barcelona reyndi að fá Courtois árið 2013 frá Chelsea og Morata í janúar 2019 frá sama félagi áður en hann samdi við Atletico Madrid.
,,Það voru viðræður við Courtois en á endanum þá keyptu þeir Marc-Andre ter Stegen sem var ekki það sem Andoni Zubizarreta [yfirmaður knattspyrnumála] ráðlagði liðinu,“ sagði Mestre.
,,Það hefði mögulega skapað slæma stemningu í klefanum með Morata því hann vildi fá að spila og ekki vera á bekknum.“
,,Morata var landsliðsmaður og þar með leikmaður sem sættir sig ekki við bekkjarsetu í hverjum leik.“