Elfar Árni Aðalsteinsson, leikmaður KA, gæti misst af öllu sumrinu í Pepsi Max-deild karla.
Fótbolti.net greinir frá því í kvöld að Elfar sé líklega með slitið krossband og verður því lengi frá.
Elfar lék með KA gegn Þór í Kjarnafæðismótinu fyrr í mánuðinum og fór þar meiddur af vell.
Krossbandaslit eru mjög alvarleg meiðsli og yrði KA þá án Elfars sem er gríðarlega mikilvægur liðinu.
Það má búast við að KA styrki sig á komandi mánuðum eftir þessi meiðsli Elfars.