Kári Árnason hefur skrifað undir nýjan samning við Víking og mun leik með liðinu í efstu deild karla á næsta ári. Kári mun fagna 39 ára afmæli sínu á næsta ári.
Kári ætlaði að ganga í raðir Víkings eftir Heimsmeistaramótið 2018 en fékk þá samningstilboð frá Gençlerbirliği í Tyrklandi.
Kári lék í Tyrklandi í eitt ár og kom heim sumarið 2019 og hefur leikið með Víkingi síðan þá.
Varnarmaðurinn skrifaði undir eins árs samning við Víking „Ég hugsaði eftir síðasta tímabil, þetta var ekki nógu gott. Hvorki hjá mér né liðinu, ég neita að skilja við Víking á ferli mínum svona. Metnaður um að gera betur, halda áfram að þróa þetta,“ sagði Kári eftir að hafa skrifað undir.
Víkingur endaði í tíunda sæti efstu deildar í sumar eftir að mótið var blásið af. „Þetta mót telur ekkert,“ sagði Kári og glotti
„Þetta var ekki nógu gott. Við verðum að bæta okkur sem lið.“
Viðtalið er í heild hér að neðan.
