Knattspyrnukappinn fyrrverandi Rúrik Gíslason vekur athygli á vef Kringlunnar þar sem hann leggur á ráðin fyrir fólk sem er að leita að jólagjöf fyrir karlmenn.
Rúrik hefur lengi vel þótt vita upp á hár hvernig tískan virkar og hann slær ekki slöku við í starfi sínu fyrir Kringluna.
„Rúrik Gísla kom í heimsókn í Kringluna og tók saman brot af því besta úr nokkrum verslunum í Kringlunni. Verðbilið er breytt svo allir ættu að finna eitthvað við sitt hæfi,“ segir á vef Kringlunnar.
Rúrik sem er 32 ára ákvað fyrir skömmu að leggja knattspyrnuskóna á hilluna eftir farsælan feril með félagsliði og landsliði.
Hér að neðan má sjá nokkrar hugmyndir af jólagjöfum sem Rúrik Gíslason mælir með.
Töff rúllukragapeysa og stakur jakki frá Kultur Menn.
Oliver Peoples sólgleraugu frá Auganu.
Daniel Wellington úr frá Meba.
Brún jakkaföt eru algjörlega málið! Þau fást í Selected homme.
Úrið er frá merkinu Tissot og fæst í verslun Michelsen.
Airpods Pro heyrnatól er alltaf jafn vinsæl jólagjöf, fyrir allan aldur!
Þau fást í verslun Macland.