„Til hamingju .net og KSÍ að hrekja árangursríkasta þjálfara Íslands frá störfum útaf því að einhverjar litlar mýs þoldu ekki að láta tala við sig eins og karlana, en berjast samt fyrir sömu launum og bónusum innan KSÍ. Glórulaust! Og ef einhversstaðar er trúnaðarbrestur er það innan veggja KSÍ,“ skrifar knattspyrnumaðurinn Andri Júlíusson á Twitter í gær og kemur þar bróður sínum Jóni Þór Haukssyni til varnar. Andri lék lengi vel með ÍA í efstu deild í knattspyrnu en Jón Þór Hauksson sagði upp starfi sínu sem landsliðsþjálfari kvenna í gær.
Til hamingju .net og KSÍ að hrekja árangursríkasta þjálfara Íslands frá störfum útaf því að einhverjar litlar mýs þoldu ekki að láta tala við sig eins og karlana, en berjast samt fyrir sömu launum og bónusum innan KSÍ. Glórulaust! https://t.co/xsdyiqCVOA
— Andri Júlíusson (@andrijull) December 8, 2020
Þessi niðurstaða komst í málið eftir atvik sem kom upp í Ungverjalandi í síðustu viku. Atvik kom upp í fögnuði liðsins í Ungverjalandi í síðustu viku. Þjálfarinn, starfsfólk KSÍ og leikmenn voru þá að sletta úr klaufunum eftir að stelpurnar höfðu tryggt sig inn á Evrópumótið í Englandi. Jón Þór fór yfir strikið í samskiptum við leikmenn og ákvað að stíga til hliðar. „Undanfarna daga hafa samtöl mín við leikmenn liðsins leitt mig að þeirri niðurstöðu að erfitt verði að endurheimta nauðsynlegt traust á milli mín sem þjálfara og einstakra leikmanna,“ sagði Jón Þór í yfirlýsingu í gær.
Óhætt er að segja að færsla Andra um málið hafi vakið hörð viðbrögð en þar sakar hann Fótbolta.net, sem sagði fyrst frá málinu um að hafa komið Jóni Þóri úr starfi. „Hér ert þú beinlínis að ljúga upp á mig Andri. En það er aldagömul hefð að skjóta sendiboðann,“ skrifaði Hafliði Breiðfjörð í svari til Andra en hann skrifaði fyrstu fréttina um málið á Fótbolta.net.
Hafliði setti svo sjálfur inn færslu um málið og skrifaði. „Sumir vilja kenna leikmönnum Íslands um stöðu fráfarandi landsliðsþjálfara. Þær eru fórnarlömb en ekki gerendur. Einhverjir kenna umfjöllun fjölmiðla um. Sú staðreynd að málið hafi ekki verið rætt á stjórnarfundi KSÍ undirstrikar mikilvægi fjölmiðlaumfjöllunar,“ segir Hafliði og vitnar í frétt Fréttablaðsins í dag um að málið hafi ekki verið rætt á stjórnarfundi KSÍ tveimur dögum eftir umrætt atvik í Ungverjalandi.
Óhætt er að fullyrða að engin færsla á samfélagsmiðlum um þetta mál hefur vakið jafn hörð viðbrögð og þessi færsla Andra um að landsliðskonurnar væru litlar mýs. „Guð minn góður, tími fyrir risaeðlur og karlrembur að logga sig út,“ skrifar Melkorka Yrr um málið.
Koldís María Eymundsdóttir sagði við Andra. „Úff, erfitt að velja hvað er verst í þessu tísti. karlremban? kvennfyrirlitningin? viðhorfið við þessu vandamáli? mögulega versta takeið á þessu máli hingað til.“
Andri hafnar því alfarið að færsla hans litist af kvenfyrirlitningu „Reiður og pirraður? Já. Kvennfyrirlitning? Nei gleymdu því,“ skrifar Andri í svari til Koldísar.
Guð minn góður 😴😴😴 tími fyrir risaeðlur og karlrembur að logga sig út https://t.co/O0jzzmV1dg
— MELKORKA YRR (@melkorkayrr) December 8, 2020
Nei, biddu. Boltastrákur sem er karlremba. Aldrei hefði mann grunað það🤮 https://t.co/K569m5glna
— Steingrímur (@Arason_) December 8, 2020
Það er í kjarasamning fótboltakadla að það sé talað við þá af vanvirðingu og því fá þeir hærri laun. https://t.co/CoTWoQ8O0t
— Kristrún Emilía (@KristrunEmilia) December 8, 2020
Eva Björk Benediktsdóttir fréttakona á RÚV tekur í sama streng. „Þetta er allra versta take sem ég hef séð. Á svo marga vegu
– alvöru kall,“ skrifar Eva sem hefur slegið í gegn í íþróttafréttum hjá RÚV síðustu mánuði.
Þetta er allra versta take sem ég hef séð. Á svo marga vegu
– alvöru kall 🤡 https://t.co/RpZsTu9fHt— Eva Ben (@evaben91) December 8, 2020
Konur þurfa bara að vera duglegri að láta drulla yfir sig af fullum þjálfara https://t.co/HKxMBQVnsd
— Hörður Ágústsson (@horduragustsson) December 8, 2020
Sindri Sindrason fréttamaður hjá Stöð2 segir að Jón Þór sé frábær maður, það skuli enginn efast um það þrátt fyrir þetta atvik. „Nú hef ég aldrei unnið með honum, því annar okkar hefur minni áhuga á fótbolta en hinn…. en ég veit þó að Jón Þór er frábær pabbi, jafnvel betri eiginmaður, ekki minn heldur Sigrúnar Óskar og traustur vinur. Hann er líka brjálæðislega metnaðargjarn og hreinskilinn. Og það skal enginn halda að hér sé ekki um góðan mann að ræða,“ skrifar Sindri í færslu á Facebook og hefur hún fengið mikil og góð viðbrögð.
Nú hef ég aldrei unnið með honum, því annar okkar hefur minni áhuga á fótbolta en hinn…. en ég veit þó að Jón Þór er…
Posted by Sindri Sindrason on Tuesday, 8 December 2020