Sex leikjum var að ljúka í fimmtu umferð Meistaradeildar Evrópu.
Í A-riðli tók Atlético Madrid á móti Bayern Munchen. Bayern voru búnir að tryggja sér sæti í 16-liða úrslitum Meistaradeildarinnar fyrir leikinn. Atlético þurftu á sigri að halda til að tryggja sæti sitt í 16-liða úrslitum. Það tókst ekki því leiknum lauk með 1-1 jafntefli. João Félix skoraði mark Atlético og Thomas Müller jafnaði undir lok leiks fyrir Bayern úr vítaspyrnu.
Í B-riðli tók Borussia Mönchengladbach á móti Inter Milan. Leiknum lauk með 2-3 sigri Inter Milan. B-riðill er galopinn því öll lið eiga möguleika á sæti í 16-liða úrslitum. Borussia Mönchengladbach eru á toppnum með átta stig, Shaktar Donetsk og Real Madrid, sem áttust við fyrr í dag, eru í öðru og þriðja sæti bæði með sjö stig og Inter Milan er neðst með fimm stig. Öll liðin eiga einn leik eftir í riðlinum.
Í C-riðli mættust Porto og Manchester City annars vegar og Marseille og Olympiakos Piraeus hins vegar. Leik Porto og City lauk með markalausu jafntefli. Marseille sigraði Olympiakos Piraeus með tveimur mörkum gegn einu. MAnchester City og Porto. City hafði tryggt sé sæti í 16-liða úrslitum fyrir leikinn. Porto hefur nú einnig tryggt sæti sitt.
Í D-riðli tók Liverpool á móti Ajax og Atalanta tók á móti Midtjylland. Liverpool sigraði Ajax með einu marki gegn engu og tryggðu sér þar með sæti í 16-liða úrslitum. Curtis Jones skoraði sigurmarkið eftir dýrkeypt mistök hjá markmanni Ajax. Midtjylland og Atalanta gerðu 1-1 jafntefli. Atalanta og Ajax eiga bæði enn möguleika á sæti í 16-liða úrslitum. Mikael Anderson spilaði allan leikinn í liði Midtjylland.
Hægt er að sjá stöðuna í öllum riðlum með því að smella hér.
A-riðill:
Atlético Madrid 1 – 1 Bayern Munchen
1-0 João Félix (26′)
1-1 Thomas Müller (86′)(Víti)
B-riðill:
Borussia Mönchengladbach 2 – 3 Inter Milan
0-1 Matteo Darmian (17′)
1-1 Alassane Pléa (45+1′)
1-2 Romelu Lukaku (64′)
1-3 Romelu Lukaku (73′)
2-3 Alassane Pléa (76′)
C-riðill:
Porto 0 – 0 Manchester City
Olympique Marseille 2 – 1 Olympiakos Piraeus
0-1 Mady Camara (33′)
1-1 Dimitri Payet (55′)(Víti)
2-1 Dimitri Payet (75′)(Víti)
D-riðill:
Liverpool 1 – 0 Ajax
1-0 Curtis Jones (58′)
Atalanta 1 – 1 Midtjylland
0-1 Alexander Scholz (13′)
1-1 Cristian Romero (79′)
