Tilkynnt hefur verið hvaða leikmenn voru kosnir bestir og efnilegastir í Pepsi Max deild kvenna af leikmönnum deildarinnar.
Verðlaunaafhendingin fór fram í Pepsi Max mörkum kvenna á Stöð 2 Sport.
Leikmaður ársins
Sveindís Jane Jónsdóttir, Breiðablik, var valin besti leikmaður ársins. Hún skoraði 14 mörk í 15 leikjum á tímabilinu. Ásamt því að vera leikmaður ársins var hún einnig markahæst í deildinni.
Efnilegasti leikmaður ársins
Cecilía Rán Rúnarsdóttir, markvörður Fylkis, var valin efnilegasti leikmaður deildarinnar í ár.
Þjálfari ársins
Þorsteinn Halldórsson, þjálfari Breiðabliks, var valinn þjálfari ársins en Breiðablik endaði tímabilið með því að fagna Íslandsmeistaratitlinum.
Dómari ársins
Guðmundur Páll Friðbertsson var valinn dómari ársins í Pepsi Max deild kvenna.
