Þorvaldur Örlygsson er nýr þjálfari í þjálfarateymi Stjörnunnar. Þetta staðfesti hann í útvarpsþættinum Fótbolta.net í dag.
Þorvaldur mun vera við hlið Rúnars Páls Sigmundssonar sem hefur þjálfað Stjörnuliðið frá 2014.
Þorvaldur lét nýlega af störfum hjá KSÍ sem þjálfari U17 og U19 landsliða karla.
Ólafur Jóhannesson þjálfaði Stjörnuna við hlið Rúnars á síðasta tímabili en lét af störfum eftir tímabilið. Stjarnan endaði í fjórða sæti í sumar.
