Knattspyrnugoðsögnin David Beckham, hefur gert samning við EA Sports sem eru framleiðendur FIFA tölvuleikjanna. Samningurinn færir Beckham í kringum 40 milljónir punda, það eru um það bil 7 milljarðar íslenskra króna.
Samningurinn gildir til þriggja ára og mun Beckham því verða eitt af andlitum tölvuleikjanna auk þess sem hægt verður að spila sem leikmaðurinn.
Beckham þénaði um það bil 100.000 pund á viku þegar að hann var leikmaður Manchester United. Með þessum nýja samningi við FIFA tölvuleikjaframleiðandann EA Sports, er Beckham að þéna um það bil 256.000 pund á viku.
David Beckham hefur gengið vel eftir að knattspyrnuferlinum lauk. Hann er þekkt stærð í auglýsingaheiminum og hann er einn af eigendum knattspyrnuliðsins Inter Miami sem leikur í MLS deildinni í Bandaríkjunum.
View this post on Instagram