Toby Alderweireld, leikmaður Tottenham, fór meiddur af velli þegar Tottenham sigraði Manchester City í kvöld.
Alderweireld fór af velli á 81. mínútu og virtist meiddur í nára.
José Mourinho stjóri Tottenham sagði í viðtali eftir leik að hann væri hræddur um að Alderweireld yrði lengi frá vegna meiðslanna.
„Ég finn til með Toby. Hann átti frábæran leik og meiðist vegna álags.“
Toby hefur komið við sögu í sex leikjum Tottenham á tímabilinu.
