Hinn ungi og efnilegi Arnar Númi Gíslason, fæddur 2004, sem gekk til liðs við Breiðablik frá Haukum á dögunum er þessa dagana til reynslu hjá IFK Norköpping í Svíþjóð. Arnar Númi er sóknarsinnaður leikmaður. Þetta hefur 433.is fengið staðfest.
Greint hafði verið frá því að Hákon Rafn Valdimarsson markvörður Gróttu væri til reynslu þessa dagana en Arnar Númi er einnig með í för.
Sænska félagið hefur góða reynslu af Íslendingum en Ísak Bergmann Jóhannesson hefur slegið í gegn með félaginu í vetur. Þá er Oliver Stefánsson í herbúðum félagsins. Félagið seldi Arnór Sigurðsson til CSKA Moskvu árið 2018 og þá hafði Guðmundur Þórarinsson leikið með félaginu um langt skeið, hann yfirgaf félagið fyrr á þessu ári.
Sænska félagið skoðaði Jóhannes Kristinn Bjarnason á dögunum en hann er ungur og efnilegur leikmaður KR, faðir hans er Bjarni Guðjónsson.
Arnar Númi kom við sögu í fjórum leikjum með Haukum í 2 deild í sumar og hefur vakið athygli fyrir mikinn hraða og leikni.
Arnar Númi hefur áður vakið áhuga erlendra liða og var meðal annars til reynslu hjá Nordsjælland í Danmörku á síðasta ári.
