Erik Hamren lauk leik sem landsliðsþjálfari Íslans gegn Englandi í fyrradag, í rúm tvö ár hefur þessi geðþekki Svíi verið við stýrið.
Hamren tók sjálfur þá ákvörðun að stíga til hliðar og aldrei fóru neinar viðræður við KSÍ áframhaldandi starf, hann vildi stíga til hliðar eftir að hafa mistekist að koma liðinu á Evrópumótið. Óvíst er hvaða leið stjórn KSÍ fer, mun stjórn sambandsins halda áfram að leita út fyrir landsteinana eða horfa inn á við.
Leikmenn landsliðsins hafa margir stigið fram og þakkað Hamren fyrir samstarfið, þeir sjá á eftir þessum 62 ára Svía og tala um hann sem frábæran þjálfara.
„Takk fyrir árin tvö saman og gangi þér sem best í næsta ævintýri,“ skrifar Alfreð Finnbogason framherji íslenska landsliðsins og Augsburg á Instagram, þar birtir hann mynd af sér og Hamren á fréttamannafundi.
Alfreð naut þess að vinna með Hamren. „Ég naut þess að vinna með heiðursmanninum sem þú ert.“