Jordan Henderson fyrirliði Liverpool verður líklega ekki með Liverpool um helgina vegna meiðsla sem hann varð fyrir í landsleik með Englandi í gær.
Henderson fór af velli í 2-0 tapi gegn Belgum vegna meiðsla í kálfa. „Jordan var stífur í kálfa og gat ekki haldið áfram,“ sagði Gareth Southgate þjálfari Englands sem gat ekki svarað því hvort miðjumaðurinn væri tognaður.
Virgil van Dijk og Joe Gomez eru báðir meiddir og sömu sögu er af Trent Alexander-Arnold. Þá er Andrew Robertson tæpur vegna meiðsla sem hann varð fyrir í landsleik með Skotlandi.
Thiago Alcantara og Alex Oxlade-Chamberlain hafa verið meiddir og Mo Salah missir af leik helgarinanr vegna COVID-19.
Ljóst er að Jurgen Klopp þarf að hugsa það fram og til baka hvernig hann stillir upp liði sínum um helgina.
