Alfreð Finnbogason kom inn á sem varamaður á 75. mínútu í leik Augsburg og Mainz í þýsku úrvalsdeildinni í dag og lagði upp annað mark liðsins á 80. mínútu í 3-1 sigri. Þá vann Bayern Munchen 1-2 sigur á Köln.

Augsburg tók á móti Mainz í dag. Fyrsta mark leiksins kom á 40. mínútu og þar var að verki Ruben Vargas.Karim Onisiwo jafnaði metin fyrir Mainz með marki á 64. mínútu.

Á 75. mínútu kom Alfreð Finnbogason inn á sem varamaður. Fimm mínútum seinna var hann búinn að leggja upp annað mark Augsburg í leiknum, André Hahn skoraði mark Augsburg. Hann var síðan aftur á ferðinni er hann innsiglaði 3-1 sigur Augsburg með marki á 91. mínútu. Augsburg er eftir leikinn í 4. sæti deildarinnar með 10 stig eftir 6 leiki.

Fleiri leikir fóru fram á sama tíma í deildinni. Bayern Munchen heimsótti Köln og fór með 1-2 sigur af hólmi. Thomas Mulller kom Bayern yfir með marki úr vítaspyrnu á 13. mínútu. Serge Gnabry innsiglaði skoraði seinna mark Bayern á 45. mínútu. Dominick Drexler minnkaði muninn fyrir Köln en nær komust heimamenn ekki. Bayern er eftir leikinn í 2. sæti deildarinnar með 15 stig.

Þá vann Borussia Dortmund 0-2 útisigur á Arminia Bielefeld. Varnarmaðurinn Mats Hummels, skoraði bæði mörk Dortmund á 53. og 71. mínútu. Dortmund er eftir leikinn í 2. sæti deildarinnar með 12 stig eftir 5 leiki.

Augsburg 3 – 1 Mainz 
1-0 Ruben Vargas (’40)
1-1 Karim Onisiwo (’64)
2-1 André Hahn (’80)
3-1 André Hahn (’90+1)

Köln 1 – 2 Bayern Munchen 
0-1 Thomas Muller (’13, víti)
0-2 Serge Gnabry (’45+1)
1-2 Dominick Drexler (’82)

Arminia Bielefeld 0 – 2 Borussia Dortmund 
0-1 Mats Hummels (’53)
0-2 Mats Hummels (’71)

Eintracht Frankfurt 1 – 1 Werder Bremen 
0-1 Josh Sargent (’51)
1-1 André Silva (’65)