Liverpool vann 2-1 sigur á West Ham United í 7. umferð ensku úrvalsdeildarinnar í kvöld. Diogo Jota skoraði sigurmarkið á 85. mínútu. Leikið var á Anfield í Liverpool.
West Ham komst yfir í leiknum á 10. mínútu með marki frá Pablo Fornals.
Stuttu fyrir hálfleik fékk Liverpool vítaspyrnu eftir að brotið var á Mohamed Salah innan vítateigs. Salah tók spyrnuna sjálfur og jafnaði metin fyrir heimamenn.
Á 77. mínútu kom Diogo Jota boltanum í netið fyrir Liverpool. Markið var hins vegar dæmt af eftir að Chris Kavanagh, dómari leiksins, skoðaði aðdraganda marksins í VAR-sjánni og dæmi brot á Sadio Mané.
Leikmenn Liverpool neituðu hins vegar að gefast upp. Á 85. mínútu átti Shaqiri sendingu inn fyrir vörn West Ham, sendingin rataði á Diogo Jota sem kom Liverpool yfir.
Fleiri mörk voru ekki skoruð í leiknum, lokatölur 2-1 sigur Liverpool. Sigurinn kemur Liverpool í 1. sæti deildarinnar með 16 stig. West Ham United er í 13. sæti deildarinnar með 8 stig.
Liverpool 2 – 1 West Ham United
0-1 Pablo Fornals (’10)
1-1 Mohamed Salah (’42, víti)
2-1 Diogo Jota (’85)
