Annarri umferð í riðlakeppni Evrópudeildarinnar var að ljúka.
Rúnar Alex Rúnarsson spilaði allan leikinn í marki Arsenal í öruggum 3-0 sigri.
Arsenal gerði út um leikinn á nokkurra mínútna kafla. Edward Nketiah skoraði fyrsta mark leiksin á 42. mínútu. Annað mark Arsenal skoraði Joseph Willock á 44. mínútu. Arsenal gátu gengið sáttir til hálfleiks.
Þeir byrjuðu síðari hálfleik af krafti. Þriðja mark Arsenal kom á 46. mínútu. Þar var að verki Nicolas Pépé. Fleiri mörk voru ekki skoruð og Rúnar Alex getur fagnað góðum sigri í sínum fyrsta leik með Arsenal.
Arsenal er með fullt hús stiga eftir tvo leiki.
Albert Guðmundsson var í byrjunarliði AZ Alkmar þegar þeir tóku á móti Rijeka. Leiknum lauk með öruggum 4-1 sigri AZ.
Fyrsta mark AZ skoraði Teun Koopmeiners á sjöttu mínútu. Albert Guðmundsson skoraði annað mark AZ á 20. mínútu. Á 51. mínútu skoraði Jesper Karlsson þriðja mark AZ og róðurinn orðinn þungur fyrir Rijeka.
Albert bætti við sínu öðru marki og fjórða marki AZ á 60. mínútu. Sandro Kulenović klóraði í bakkann fyrir Rijeka með marki á 72. mínútu. Lengra komust þeir ekki og 4-1 stórsigur AZ staðreynd.
AZ Alkmar er með fullt hús stiga eftir tvo leiki.
Sverrir Ingi Ingason spilaði allan leikinn þegar PAOK og Granada gerðu markalaust jafntefli í Evrópudeildinni.
PAOK er með tvö stig eftir tvo leiki.
Arsenal 3 – 0 Dundalk
1-0 Edward Nketiah (42′)
2-0 Joseph Willock (44′)
3-0 Nicolas Pépé (46′)
AZ Alkmar 4 – 1 Rijeka
1-0 Teun Koopmeiners (6′)(Víti)
2-0 Albert Guðmundsson (20′)
3-0 Jesper Karlsson (51′)
4-0 Albert Guðmundsson (60′)
4-1 Sandro Kulenović (72′)
Granada 0 – 0 PAOK