Björn Bergmann Sigurðarsson og Tryggvi Hrafn Haraldsson, komu báðir inn á sem varamenn í liði Lilleström þegar liðið tapaði 2-0 fyrir Raufoss í norsku 1. deildinni.
Raufoss komst yfir með marki á 20. mínútu.
Á 46. mínútu kom Björn Bergmann inn á sem varamaður og Tryggvi Hrafn kom inn á þegar 63. mínútur voru liðnar af leiknum.
Lilleström náði ekki að jafna leikinn og á fjórðu mínútu uppbótartíma bættu leikmenn Raufoss við öðru marki.
Fleiri mörk voru ekki skoruð í leiknum. Lilleström varð af mikilvægum stigum í toppbaráttu deildarinnar. Liðið er í 3. sæti deildarinnar með 42 stig eftir 22 leiki.
Raufoss 2 – 0 Lilleström
1-0 Ryan Doghman (’20)
2-0 Marius Alm (’90+4)