Það var létt yfir mönnum í hlaðvarpsþættinum Dr. Football í dag þegar rætt var um íslenska knattspyrnumenn og þá bestu sem er undir þrítugt.
Umræðan hófst í kringum það að Jóhann Berg Guðmundsson fagnar þrítugs afmæli sínu í dag og eru því allir leikmenn úr gullkynslóð Íslands nú komnir á fertugsaldurinn.
Hrafnkell Freyr Ágústsson sérfræðingur þáttarins fékk það verkefni að velja tíu bestu íslensku knattspyrnumennina á bilinu 20 til 30 ára.
Hrafnkell lagði mikla vinnu í lista sinn og taldi að lokum að Sverrir Ingi Ingason væri besti leikmaðurinn undir þrítugt. „Er hann betri en Hörður Björgvinn? Á hann fleiri landsleiki en Hörður Björgvin?,“ sagði Hjörvar Hafliðason og vildi svör frá Kettinum.
Í öðru sæti á listanum er Guðlaugur Victor Pálsson. „B-deildar leikmaður í Þýskalandi frekar en lykilmaður Í CSKA Moskvu, er ég með glasið hérna?,“ sagði Hjörvar í léttum tón.
