Hólmfríður Magnúsdóttir byrjaði á bekknum í leik Íslands og Svíþjóðar sem nú er í gangi. Henni var skipt inn á á 71. mínútu fyrir Elínu Mettu Jensen.
Hólmfríður spilaði síðast með landsliðinu í lokakeppni EM árið 2017. Þá var hún í byrjunarliði á móti Austurríki í leik sem tapaðist 3-0. Hólmfríður eignaðist barn árið 2018 og hefur ekki komið inn í landsliðið eftir það.
Hólmfríður samdi við Selfoss árið 2019 og spilaði með þeim í fyrra og í sumar. Hún samdi nýverið við Avaldsnes í Noregi og klárar því ekki tímabilið með Selfoss.
Staðan í leik Íslands og Svíþjóðar er 2-0 Svíþjóð í vil þegar sjö mínútur eru til leiksloka.
Hólmfríður Magnúsdóttir kemur inn á. Af velli fer Elín Metta Jensen.
Our second substitution.#LeiðinTilEnglands #dottir pic.twitter.com/nK1h2Mgvju
— Knattspyrnusambandið (@footballiceland) October 27, 2020