Gary Neville, fyrrum leikmaður Manchester United og núverandi sérfræðingur hjá Sky Sports, fékk áskorun á Twitter en aðdáandi bað hann um að velja draumalið samansett einungis úr leikmönnum Manchester United, bæði fyrrum og núverandi. Eina reglan var að hann mátti ekki velja neina leikmenn frá Bretlandseyjum.
Neville tók áskoruninni en athygli vekur að hann valdi ekki dýrasta leikmanninn í sögu félagsins, Paul Pogba. Pogba, sem er franskur, var keyptur fyrir 89 milljónir punda, eða rúmlega 16 milljarða í íslenskum krónum, árið 2016.
Þá vakti það einnig athygli að Neville hafi valið argentínska varnarmanninn Juan Sebastián Verón en hann lék við hlið Neville á sínum tíma. Hann vann deildina með Manchester United árið 2003 en var þó að mati flestra langt frá því að vera frábær. Hann kom til liðsins frá Lazio fyrir 28 milljónir punda eða um 5 milljarða í íslenskum krónum og fór til Chelsea eftir einungis tvö tímabil.
„Veron? Í alvörunni?“ sagði einn stuðningsmaður Manchester United á Twitter um valið. „Ég myndi frekar velja Anderson en Veron,“ sagði annar
Hér fyrir neðan má sjá liðið sem Neville valdi í heild sinni: