Jurgen Klopp stjóri Liverpool var niðurlútur eftir Aston Villa niðurlægði lærisveina hans fyrir 12 dögum síðan þegar Liverpool tapaði 7-2 á útivelli. Tapið kom öllum í opna skjöldu en undir stjórn Klopp er Liverpool ekki mikið að tapa leikjum og hvað þá svona stórt.

EFtir leikinn fóru flestir leikmenn Liverpool á ferð og flug með landsliði sínu og því gat Klopp ekki rætt málin við þá.

„Kvöldið eftir leikinn var mér mjög erfitt, ég vaknaði upp morguninn og vissi að ég yrði að ræða við strákana en þeir voru ekki hérna,“ sagði Klopp.

„Ég skrifaði mjög, mjög löng skilaboð til þeirra. Það voru hugsanir mínar um það sem gerðist og mér leið svo miklu betur á eftir. Við gátum haldið áfram veginn.“

„Það er mjög erfitt að kyngja svona, að tapa 7-2 gerir hlutina svo miklu verri en það getur nýst okkur í framtíðinni. Við getum svarað fyrir þetta gegn Everton á morgun.“

Enski boltinn á 433 er í boði