Piers Morgan einn frægasti sjónvarpsmaður Bretlands benti í gær á ósamræmi í regluverki yfirvalda þar í landi í baráttu sinni við COVID-19 veiruna. Englendingar geta ekki farið á íþróttakappleiki utan dyra en það er í góðu lagi að fylla leikhús og slíka staði. Í fyrradag fór fram ráðstefna með Arsene Wenger fyrrum stjóra Arsenal.

London Palladium salurinn var troðfullur af fólki en þetta sama fólk sem hefur áhuga á knattspyrnu má ekki fara á völlinn. „Ég er forviða,“ skrifar Morgan um þessa staðreynd. „Hvernig getur London Palldium verið troðfullt í gærkvöld á viðburði með Arsene Wenger, en knattspyrnuáhugafólk má ekki fara á völlinn utandyra. Þarna eru enginn fjarlægðatakmörk virt.“

Fjöldi Breta hefur tekið undir þetta og Gary Lineker fyrrum framherji enska landsliðsins er einn þeirra sem skilur hvorki upp né niður í þessu regluverki.

„Það er ekkert samræmi í þessu, þú getur hlustað á spjall um fótbolta í innan dyra þar sem er nokkuð þétt setið, en þú getur ekki horft á fótbolta utan dyra þar sem örfáum yrði hleypt inn,“ skrifar Lineker sem botnar ekki neitt í neinu.

Yfirvöld í Bretlandi hafa áhyggjur af því að knattspyrnuáhugamenn skvetti í sig áfengi fyrir leiki og gleymi þar með að fara eftir hörðum sóttvarnarreglum.

Enski boltinn á 433 er í boði