Það er allt vitlaust í enskum fótbolta eftir að í ljós kom að undir stjórn eiganda Liverpool eru félög í ensku úrvalsdeildinni að vinna að breytingum á deildinni. FSG sem á Liverpool hefur farið fyrir þessum breytingum og hefur stuðning Glazer fjölskyldunnar sem á Manchester United.
Það sem meira er að félög í neðri deildum styðja málið enda leggja aðilar til að félög í neðri deildum fái mun meiri fjármuni en áður frá úrvalsdeildinni.
Stærsta breytingin yrði sú að liðum í úrvalsdeildinni yrði fækkað niður í 18. Þá hefðu félög í deildinni meiri völd til að gera breytingar á leiknum.
Telegraph greindi frá málinu í gær og hafa margir orðið reiðir vegna þess. Hér að neðan má sjá þær breytingar sem hafa verið gerðar.
Breytingarnar sem lagðar eru til.
Neðri deildir fái 250 milljónir punda vegna tekjutaps – Dregið verði af þeim á næstu árum í gegnum sjónvarpssamninga
Níu félög sem lengst hafa verið í ensku úrvalsdeildinni fái sérstaka stöðu – Ef sex þeirra eru á sama máli er hægt að gera reglugerðarbreytinga
Enska sambandið fái 100 milljónir punda til að aðstoða neðri deildir, kvennafóbolta og grasrótina.
8,5 prósent af hagnaði liða í úrvalsdeildinni fari í góð málefni.
25 prósent af hagnaði ensku úrvalsdeildarinnar og neðri deilda fari til liða í neðri deildum.
Sex prósent af hagnaði ensku úrvalsdeildarinnar fari í að byggja upp heimavelli liða í neðri deildum.
Nýjar reglur um sjónvarpsréttinn bæði á Englandi út og út um allan heim.
Deildarbikarinn og Samfélagsskjöldurinn hætti.
24 lið verði í Chamionship, League One og League Two. Atvinnumannafélögin verða því 90 en ekki 92 eins og í dag.
Úrvalsdeild kvenna verði sér eining.
Tvö lið falli úr ensku úrvalsdeildinni á hverju ári og tvö komi upp úr Championship deildinni. 16 sætið í úrvalsdeildinni fer svo í umspil um sæti við þriðja, fjórða og fimmta sæti í Championship deildinni um sæti í úrvalsdeildinni.
Financial Fair Play reglur UEFA verði notaðar og að bókhald liða verði opið fyrir öll félög í deildinni.
Miðar á útileiki kosti 20 pund.
Að úrvalsdeildin fari af stað seint í ágúst til að gefa meiri möguleika á æfingaleikjum, öll félög þurfa á fimm ára fresti að taka þátt í sumardeild úrvalsdeildarinnar.
Miklar breytingar á því hvernig má lána leikmenn, sem dæmi mættu fjórir leikmenn fara á láni frá einu liði í annað.
