Jurgen Klopp stjóri Liverpool hefur vakið athygli fyrir bréf sem hann skrifaði til 11 ára stuðningsmanns sem hafði áhyggjur af skólanum sem hann var að byrja.
Lewis Balfe er ellefu ára og var að skipta um skóla í sumar. Hann skrifaði til Klopp að hann væri stressaður vegna þess og hann vildi vita hvað Klopp myndi gera þegar hann færi að finna fyrir stressi.
„Má ég byrja á því að segja þér leyndarmál? Ég verð stressaður,“ sagði Klopp í bréfinu sem hann ritar til drengsins unga.
„Ég hefði áhyggjur ef ég yrði ekki stressaður. Þegar það gerist þá gefur það mér orku í að búa til eitthvað jákvætt. Ég veit að það gæti hljómað furðulegt fyrir þig að stjóri Liverpool verði oft stressaður.“
Klopp segir að Lewis sanni ágæti sitt með bréfinu. „Miðað við bréfið þitt er það augljóst að þú ert drengur með einstaka hæfileika, þú hugsar út í hlutina og þá sem eru þér nær. Þegar þú ert þannig karakter, þá er erfitt að finna fyrir öðru en stressi.“
„Þú þarft ekkert að hafa áhyggjur af þessu slæma.“