Það hefur gengið brösulega hjá Al-Arabi í Katar síðustu vikur en liðið mætti Umm Salal á heimavelli í dag.
Umm Salal er slakasta lið deildarinnar og var aðeins með átta stig fyrir leikinn.
Al-Arabi komst yfir í leiknum en gestirnir jöfnuðu þegar lítið var eftir.
Aron Einar Gunnarsson lék allan leikinn á miðsvæði Al-Arabi og Heimir Hallgrímsson var á sínum stað á hliðarlínunni.
Al-Arabi er í fimmta sæti deildarinnar með 18 stig þegar liðið hefur leikið 14 leiki.