Ed Woodward, stjórnarformaður Manchester United ætlar ekki að gefa sig og lækka verðmiðann á Chris Smalling.

Smalling er á láni hjá Roma og hefur slegið í gegn í Seriu A, ítalska félagið vill kaupa hann og það í hvelli.

Roma óttast það að góð frammistaða Smalling verði til þess að önnur félög fari að reyna að kaupa hann.

Smalling sem er þrítugur er sagður til í að taka á sig launalækkun til að fara til Roma, honum líður afar vel á Ítalíu.

Roma hefur boðið 13 milljónir punda en United ætlar ekki að sætta sig við minna en 25 milljónir punda. Smalling þénar 130 þúsund pund á viku í dag.