Manchester United hefur samkvæmt enska blaðinu Times lagt fram nýtt tilboð í Bruno Fernandes, miðjumann Sporting Lisbon.
Fernandes hefur verið á óskalista United í janúar en félögin hafa ekki náð saman um kaupverð.
United veit að Sporting þarf fjármuni og hefur sökum þess ekki viljað hækka tilboð sitt mikið.
United hefur nú boðið 42,5 milljónir punda og góða bónusa sem Sporting gæti freistast til að taka.
Times segir að Sporting sé byrjað að lækka verðmiða sinn enda lokar félagaskiptaglugginn á föstudag.
Sporting vill 50 milljónir punda og bónusa sem Ed Woodward, stjórnarformaður United gæti samþykkt.
Enski boltinn á 433 er í boði 
