Manchester United tapaði heldur betur óvænt í kvöld er liðið mætti Burnley á Old Trafford.
Burnley gerði sér lítið fyrir og vann 2-0 útisigur í Manchester en Jóhann Berg Guðmundsson var ekki með í kvöld.
Chris Wood skoraði fyrra mark Burnley undir lok fyrri hálfleiks en í þeim seinni bætti Jay Rodriguez við öðru.
Rodriguez átti geggjað skot fyrir utan teig sem fór í slá og inn og kom gestunum í þægilega forystu.
Það var ekki mikið merkilegt sem gerðist eftir það mark en undir lok leiksins var dæmt mark af United vegna brots Luke Shaw.
United er enn sex stigum frá Chelsea í fjórða sætinu og aðeins fjórum stigum frá Burnley sem er í 13. sæti.
Undir lok leiksins var fámennt á Old Trafford en margir voru farnir snemma heim eftir frammistöðu heimaliðsins.
Don’t think I’ve ever seen this place as empty before the final whistle. pic.twitter.com/YL6EqawBv2
— Mike Keegan (@MikeKeegan_DM) 22 January 2020
Enski boltinn á 433 er í boði 
