Edinson Cavani hefur beðið um sölu frá Paris Saint-Germain en þetta staðfesti félagið í dag.
Leonardo, yfirmaður knattspyrnumála PSG, staðfesti að Cavani væri búinn að biðja um sölu og vill komast annað.
Framherjinn fær lítið að spila hjá PSG í dag en hann verður samningslaus næsta sumar.
,,Við höfum alltaf sagt það sama um Cavani. Við vonuðumst eftir að hann myndi halda hér áfram,“ sagði Leonardo.
,,Í dag þá bað hann hins vegar um að fá að fara. Við erum að skoða stöðuna. Það er ekki víst að hann verði hér í febrúar.“
