Thomas Tuchel, stjóri Paris Saint-Germain, neitar því að Layvin Kurzawa sé á förum til Arsenal.
Miðlar erlendis segja að Kurzawa sé búinn að semja við Arsenal en að skiptin gangi ekki í gegn fyrr en næsta sumar.
,,Við þurfum Layvin. Ég hef ekki rætt við hann um brottför eða einhvern annan,“ sagði Tuchel.
,,Við byrjum með Juan Bernat vinstra megin og Layvin er fyrir aftan hann. Hann hefur spilað vel undanfarið og æft vel.“
,,Ef hann er heill þá spilar hann gegn Lorient, hann er mikilvægur leikmaður í þessari stöðu.“
