Javier Hernandez, fyrrum leikmaður Manchester United, er á leið til Bandaríkjanna samkvæmt nýjustu fregnum.
Hernandez er í dag hjá Sevilla á Spáni en hann kom aðeins til félagsins síðasta sumar.
Stjóri LA Galaxy, Dennis te Kloese, staðfesti áhuga á Hernandez á dögunum og viðurkenndi að félagið hefði áhuga.
Nú er greint frá því að Hernandez yrði um leið launahæsti leikmaður Bandaríkjanna.
Sevilla vill fá átta milljónir punda fyrir Hernandez sem myndi taka við af Zlatan Ibrahimovic.
Hernandez hefur verið í vandræðum á tímabilinu og aðeins spilað 14 leiki í öllum keppnum.
