Manchester United er búið að taka tilboði Inter í bakvörðinn Ashley Young. Kaupverðið er 1,5 milljón evra.

Young hefur viljað fara til Inter, félagið hefur sótt fast eftir þvi að fá hann. Young var að verða samningslaus hjá United og var í aukahlutverki hjá United. Félagið kaus að selja hann frekar en að missa hann frítt.

Ensk blöð segja frá því í dag að Young hafi verið með læti til að komast til Inter. Hann hafi meðal annars strunsað af æfingu liðsins á síðasta föstudag.

,,Young verður 35 ára í sumar, og ef hann fær tveggja ára saming þarna, þá er eðlilegt að hann vilji taka það. Við vorum ekki klárir í að bjóða það,“ sagði Ole Gunnar Solskjær.

,,Hann hefur þjónað félaginu vel, hann hefur verið fyrirliði og unnið titla, deildina og bikarkeppnir. Það eru góðir leikmenn að koma í gegn.“