Pep Guardiola, stjóri Manchester City, segir að það sé engin spurning um það hver sé besti leikmaður heims.
Guardiola var spurður að þessu eftir 6-1 sigur á Aston Villa í gær þar sem Sergio Aguero skoraði þrennu.
Þrátt fyrir að vera hrifinn af Aguero þá kemst hann ekki nálægt Lionel Messi, leikmanni Barcelona, að söögn Guardiola.
,,Sá besti er Messi. Messi er besta nían, tían, ellefan, sjöan, fimman og fjarkinn,“ sagði Guardiola.
,,Sergio tilheyrir hinum hópnum og þar er hann við toppinn. Ég hef sagt það margoft, hann mun skora mörk deyjandi, það er hans hæfileiki.“