Quique Setien, fyrrum stjóri Real Betis, er að taka við spænska stórliðinu Barcelona.

Frá þessu greinir blaðamaðurinn Guillem Balague sem starfar fyrir miðla eins og Sky Sports.

Ernesto Valverde er stjóri Barcelona í dag en hann er valtur í sessi eftir tap í spænska Ofurbikarnum á dögunum.

Barcelona tapaði 3-2 fyrir Atletico Madrid og virðist það hafa verið síðasti naglinn í kistu Valverde.

Setien náði góðum árangri með Betis og er þekktur fyrir það að spila skemmtilegan fótbolta.

Hann var mjög óvænt rekinn frá Betis eftir síðustu leiktíð og voru margir pirraðir yfir þeirri ákvörðun.