Valur 1-4 ÍA
0-1 Viktor Jónsson (4′)
0-2 Tryggvi Hrafn Haraldsson (29′)
0-3 Bjarki Steinn Bjarkason (38′)
1-3 Patrick Pedersen (50′)
1-4 Steinar Þorsteinsson (73′)
ÍA vann mjög óvæntan stórsigur í úrvalsdeild karla í kvöld er liðið heimsótti Val á Hlíðarenda.
Valur vann HK örugglega 3-0 í síðasta leik sínum og var spilamennskan mun betri eftir tap gegn KR í fyrstu umferð.
ÍA mætti gríðarlega sterkt til leiks í kvöld og var með 0-3 forystu eftir fyrri hálfleikinn.
Viktor Jónsson skoraði fyrsta mark leiksins og lagði svo upp tvö á Tryggva Hrafn Haraldsson og Bjarka Stein Bjarkason.
Snemma í seinni hálfleik lagaði Patrick Pedersen stöðuna fyrir Val með skoti sem fór í varnarmann og í netið.
Steinar Þorsteinsson gerði svo út um leikinn fyrir ÍA á 73. mínútu og 4-1 sigur Skagamanna staðreynd.
