Wesley Sneijder, goðsögn Hollands, segir að hann hafi verið jafn hæfileikaríkur og Cristiano Ronaldo og Lionel Messi.

Sneijder átti mjög góðan feril en var hins vegar ekki talinn einn af allra bestu leikmönnum heims.

,,Ef ég á að vera hreinskilinn þá verð ég að viðurkenna það að ég hefði getað komist á sama stað og Messi og Ronaldo ef ég hefði sýnt sama metnað,“ sagði Sneijder.

,,Ég vildi ekki gera það og ég sé ekki eftir því. Það er ekki að ég hafi ekki getað það, ég vildi það bara ekki.“

,,Ég naut ferilsins bæði innan sem utan vallar. Ég vann alla mögulega bikara sem leikmaður svo ég sé ekki eftir neinu.“