Enska úrvalsdeildin samþykkti í gær að félög þar í landi geti hafið æfingar í dag í litlum hópum. Fimm leikmenn geta komið saman og æft næstu daga og vikur.
Ekkert félag hefur æft í tæpa tvo mánuði vegna kórónuveirunnar en stefnt er að því að hefja leik 12 eða 19 júní.
Til að farið verði eftir öllum settum reglum mun deildin senda njósnara á æfingasvæði félaganna til að sjá hvort farið sé eftir reglum.
„Við munum senda njósnara á svæðið,“ sagði Richard Garlick stjórnarformaður deildarinnar
Einnig verður fylgt með GPS mælingum og myndbandsupptökum af æfingasvæðunum til að allir sitji við sama borð.
Félögin samþykktu þetta svo að allir fari eftir settum reglum og séu á sömu blaðsíðu. Gylfi Þór Sigurðsson og Jóhann Berg Guðmundsson leika í ensku úrvalsdeildinni.
