Diogo Jota, framherji Wolves segir að Liverpool eigi að verða enskur meistari, sama hvort deildin verði kláruð eða ekki.
Þegar deildin var sett í pásu vegna kórónuveirunnar, var Liverpool með 25 stiga forskot á toppi deildarinnar. Liðið þurfti tvo sigra til að tryggja sér sigur í deildinni.
Ef blása þarf deildina af heyrast báðar raddir, sumir telja að Liverpool eigi að fá dolluna en aðrir að tímabilið telji ekki.
,,Ég held að sárafáir mótmæli því að Liverpool vinni deildina, ef hún verður ekki kláruð,“ sagði Jota og bætti við að aðeins hörðustu andstæðingar liðsins væru á annari skoðun.
,,Ég held að 95 prósent allra aðila séu á sama máli og ég, það væri eðlilegt að þeir yrðu meistarar.“
