Birkir Bjarnason er fastur á Ítalíu og fékk ekki leyfi frá Brescia til að ferðast heim til Íslands á meðan kórónuveiran herjar á Ítalíu. Birkir ræðir málið við Morgunblaðið í dag.

Þessi frábæri miðjumaður gekk í raðir Brescia í janúar en óvíst er hvenær hægt verður að spila fótbolta aftur, þar í landi. Ítalía er það land sem hefur fundið hvað mest fyrir áhrifum veirunnar, algjört útgöngubann er í landinu.

„Ég reyndi að kom­ast heim til Íslands þegar far­ald­ur­inn var að byrja hérna á Ítal­íu en það gekk ekki eft­ir. Ég fékk ekki leyfi frá klúbbn­um til að ferðast og ég get al­veg viður­kennt það að þetta er ekki beint óskastaða að vera svona ná­lægt þunga­miðjunni þar sem þetta allt er að ger­ast ein­hvern veg­inn,“ segir Birkir við Morgunblaðið.

,,Ég er bara hálf­tíma frá þess­um stöðum sem hafa orðið einna verst úti vegna veirunn­ar en maður reyn­ir að gera sitt besta í að fara eft­ir öll­um til­mæl­um. Ég er í dag­legu sam­bandi við fjöl­skyldu mína sem hef­ur vissu­lega áhyggj­ur af stöðunni.“

Birkir segist varla geta hugsað út í fótbolta og bendir á tölur um andlát á einum sólarhring.

,,Það lét­ust um 900 manns á ein­um sól­ar­hring hérna um dag­inn og núna er í raun talað um að út­göngu­bannið, sem á að renna úr gildi á föstu­dag­inn, verði lengt áfram fram í maí eða jafn­vel júní. . Í sann­leika sagt finnst mér erfitt að hugsa um fót­bolta núna ef við horf­um til alls þess sem er að ger­ast í land­inu. Það eru aðrir hlut­ir í gangi sem eru mun mik­il­væg­ari en fót­bolt­inn og heilsa fólks verður alltaf að vera í fyrsta sæti,“