Patrik Gunnarsson, verður áfram á láni hjá Southend um helgina er liðið mætir Oxford í League One á Englandi.

Patrik er á láni frá Brentford en þessi ungi og efnilegi markvörður lék í 3-2 tapi gegn Burton um liðna helgi.

Patrik leikur undir stjórn Sol Campbell hjá Southend en Hermann Hreiðarsson er aðstoðarþjálfari liðsins.

,,Patrik verður áfram um helgina, hann hefur komið frábærlega inn,“ sagði Campbell um frammistöðu Patriks.

,,Hann gat ekker gert í mörkunum og þegar nýr leikmaður kemur inn, þá lyfti það öllum. Það gera góðir leikmenn.“

Southend er svo gott sem fallið úr deildinni en um mikilvæga reynslu er að ræða fyrir Patrik.