Maurizio Sarri, stjóri Juventus, var reiður út í sína menn eftir leik við Lyon í Meistaradeildinni í gær.
Sarri og hans menn töpuðu leiknum 1-0 á útivelli og var Ítalinn ekki ánægður með frammistöðuna.
,,Það er erfitt að útskýra af hverju við töpuðum en í fyrri hálfleik þá færðum við boltann alltof hægt, þeir gátu pressað, unnið boltað og skorað,“ sagði Sarri.
,,Við vorum ekki nógu ákveðnir þegar við sóttum og í 15 mínútur vantaði það varnarlega líka.“
,,Seinni hálfleikur var betri en ekki nógu góður fyrir Meistaradeildina. Ég veit ekki af hverju ég get ekki fengið þessa leikmenn til að skilja hvað það er að gefa boltann hratt.“
